Skíðaferð til Akureyrar

Um helgina skellti fjölskyldan úr Hofslundinum sér til Akureyrar á skíði. Lagt var að stað eftir vinnu á föstudegi og náð til Akureyrar um kl. 23 sama kvöld. Við vorum í æðislega fínni íbúð og eyddum laugardegi á skíðum í Hlíðarfjalli og í að heimsækja vini og fjölskyldu fyrir Norðan. Sunnudaginn nýttum við til hins ítrasta í skíðamennsku, Haukur og Arna fóru í skíðaskólann. Klukkan þrjú hættum við í fjallinu drifum okkur að tæma og þrífa íbúðina, svo í sund í sex stiga gaddi, út að borða á Greifanum og svo var brunað í bæinn og náð heim rétt eftir miðnætti.

Það voru því miður ekki teknar nógu margar myndir í þessum spretti en ég skellti þeim örfáu í myndaalbúmið ef þið viljið skoða.