Morguninn byrjaði á skemmtilegum verkum við að græja búning og mála flottu börnin.
Endilega skoðið myndirnar í myndaalbúminu.

Mikill spenningur yfir jólunum er hjá Hauki og Örnu. Skórinn var settur út í glugga í fyrsta skipti í gær og var mikill spenningur hjá Hauki um hvort Stekkjastaur myndi klára mjólkina sína, sem hann að sjálfsögðu gerði.
Arna vil alls ekki hafa skóinn út í glugga í herberginu sínu heldur finnst öruggast að hafa hann fram í eldhúsi, nægilega langt frá herberginu sínu. Mikla lukku vakti í morgun að fá mandarínu í skóinn. Dagurinn var annars skemmtilegur, við fórum í sund og svo í Smáralind að horfa á jólaleikrit með Trjálfunum, Rotta, Grýlu, Hurðaskelli og Stúf, krökkunum fannst æðislegt.

Haukur skrifaði óskabréf til Giljagaurs í kvöld og lét við hliðina á skónum.

Kæri Giljagaur,

viltu vera svo góður að gefa mér bíl sem getur keyrt í loftinu, með fjarstýringu.

Þinn Haukur.

Umræddan bíl sá hann í Toys R us blaði og á hann skv. lýsingum að geta keyrt upp veggi og í loftum, foreldrarnir eru ekki alveg eins vissir um að þetta virki eins og sagt er til.

Á morgun stendur til að halda áfram jólaundirbúningi, meira um það síðar.